Алексей Васильевич Уляшев

 1920–1984

Уроженец с. Вольдино.

В действующую армию призван в мае 1940 г., рядовой.

Демобилизован в сентябре 1945 г., умер в марте 1984 г. в с. Вольдино.

«Книга памяти Республики Коми», том 6, стр. 817

Сюрлiс и фашистъяс гыжйö

 Алексей Васильевич Уляшев чужöма 1920-öд воын. Велöдчöма Вöльдiнса начальнöй школаын.

 Уджалöма «Вöр фронт» колхозын, вöр лэдзанiнын.

 Армияö мунлöма 1940-öд вося май тöлысьын на. Польшаса Перемышль карö. 1941 вося июльсянь воюйтöма Украинскöй фронт вылын 116-öд стрелковӧй полкса стрелокöн.

 Проскуровоын сюрöма фашистъяс гыжйö. Нуöмаöсь Финляндияö, «Муна» концлагерö. Пленын вöлi кык во. Унаöн кулiсны. Красноармеецъясöс (военнопленнöйясöс), кодъяс эз вермыны уджавны, немечьяс лыйлiсны, кодъяскö тшыгысла кулалiсны.

 – Омöльöсь, тшыгöсь, стен бердöд ветлöдлан, а быть уджав, абу окота кувны, – висьталö ветеран.

 – Март тöлысь, войталö-сылö. Пуксьöдасны миянöс войтва улас пöшти пасьтöг. Юр вылö кап-кап-кап! Унаöн и йöймисны тайö шысьыс, кöдзыдсö терпитны вермытöмысла.

 – Финляндиякöд Сöветскöй правительство вöчис договор, и миянöс лэдзисны. Локтiм асланым Рöдинаö. Уджалiм Кемеровоын, шахтаын.

 Официальнö демобилизуйтöмаöсь 1945-öд вося сентябрын, гортас воöма 1946-ас.

 Эмöсь юбилейнöй медальяс.

 Корлiм школаö Алексей Васильевичöс Изосим Ивановичкöд, да сёрнитнысö эз вермыны, бöрдiсны. Бöрдiм ми, бöрдiсны пионеръяс.

  П.А. Уляшева, Ю.П. Сергатова